dinamalar
விஜய் கூட்டத்தில் ரசிகர்கள் திடீர் ரகளை:சேலம் : சேலம் மூன்று ரோடு, ஜவகர் மில் திடலில், நேற்று விஜய் மக்கள் இயக்கம் சார்பில், நலத்திட்ட உதவிகள் வழங்கும் விழா நடந்தது. விழாவில், நடிகர் விஜய் பேசியதாவது: சென்னையில், நான் அன்னதானம் செய்தாலும் சரி, இலவச நலத்திட்ட உதவிகள் செய்தாலும் சரி, உடனே அதை, சேலம் மாவட்ட ரசிகர்கள் பின்பற்றுகின்றனர். சமீபத்தில் நடந்த தேர்தலில், அ.தி.மு.க., பொது செயலர் ஜெயலலிதா வெற்றி பெற வேண்டும் என்று விரும்பினேன். அந்த விருப்பத்தை எனது தந்தை மூலமாக உங்களுக்கு தெரியப்படுத்தினேன். நீங்கள் பல்வேறு அரசியல் கட்சியில் இருந்த போதிலும் கூட, அ.தி.மு.க.,வின் வெற்றிக்காக பாடுபட்டீர்கள். தற்போது அதற்கான பலன் கிடைத்துள்ளது. எளிதில் வெற்றி கிடைத்து விடாது. என்னை நம்பியிருக்கும் உங்களுக்கு ஏதாவது செய்ய வேண்டும், என்ற எண்ணம் எனக்கு எப்போதும் உள்ளது. இவ்வாறு பேசினார். கூட்டத்தில், டைரக்டர் எஸ்.ஏ.சந்திரசேகர், சேலம் மாவட்ட மக்கள் இயக்க தலைவர் பார்த்திபன் உள்ளிட்ட பலர் கலந்து கொண்டனர்.
ரசிகர்கள் ரகளை போலீஸ் தடியடி : நடிகர் விஜய் 6.30 மணிக்கு மேடைக்கு வந்தார். விஜயை பார்க்கும் ஆவலில் ரசிகர்கள் முண்டியத்துக் கொண்டு முன்னேறினர். அப்போது, ரசிகர்கள் சிலருக்குள் மோதல் வெடித்தது. அதில் ஆத்திரம் அடைந்தவர்கள், நாற்காலிகளை தூக்கி வீசியெறிந்து ரகளையில் ஈடுபட்டனர். போலீசார் தடியடி நடத்தி அவர்களை கலைத்தனர்.
0 comments:
Post a Comment